Ապրեցնող աշուն

Աշունը ինձ շատ է դուր գալիս: Սիրում եմ, երբ եղանակը մութ ու անձրևոտ է լինում: Աշունը ինձ ապրեցնում է, եթե աշունը չլիներ ես չեմ պատկերացնում ինձ հետ ինչ կլիներ: Աշունը ինձ թվում է, որ հանգստացնող եղանակ է: Երբ դրսում անձրև է գալիս, մառախուղ է: Ես սիրում եմ աշնան օրերին դասի գալ, որովհետև սիրում եմ, երբ դպրոցում նստած դաս եմ անում, իսկ մյուս կողմից աշնան քամու սուլոցը լսվում է ամբողջ դասարանում: Աշունը ոչ բոլորն են սիրում, որովհետև այն անձրևոտ և մառախլապատ եղանակ է: Բայց ինձ աշունը գրավում է և ստիպում է սիրել նրան: Երբ աշնան քամին ինձ վրա է փչում, ես ինձ շատ թարմ և լավ եմ զգում և սկսում եմ ապրել, ուղղակի մի ուրիշ ձևով եմ սկսում ապրել, ասես թե՝ նոր եմ ծնվել: Եվ քամու ետևից այս ու այն կողմ գնալով հիանում եմ ամեն ինչով ինչ կապված է աշնան հետ: Շատ մարդկանց եմ հանդիպում ովքեր չեն էլ ուզում հասկանալ, թե ինչ է աշունը, թե ինչ գեղեցկություն ունի աշունը և վերջապես ինչի համար է աշունը: Եվ ինչ կարևորություններ ունի իմ սիրելի աշունը: