Իմ զգացողությունները ձյան ժամանակ

Երբ ձյուն է գալիս ես ունենում եմ շատ զգացողություններ, որոնցից մի քանիսը կցանկանայի պատմել:

Երբ ձյուն է գալիս, երբ նստում է քաղաքի վրա, և ամբողջ քաղաքը ծածկվում է ձյան փաթիլներով, քաղաքը մի տեսակ ուրիշ է դառնում՝ հատկապես, երեկոյան: Երբ փողոցներում շատ քիչ մարդիկ են լինում, ինձ թվում է, որ քաղաքում մարդկային շունչ չկա, միայն մի քանի հոգի են:

Երբ տեսնում եմ, որ ձյունը ամբողջովին նստել է ծառերի վրա, և ծառերը ձյունոտվել են, ինձ մոտ այնպիսի զգացողություն է առաջանում, կարծես բոլոր ծառերը դարձել են եղևնիներ, կարծես հայտնվել եմ մի անտառում, որտեղ ամեն օր ձյուն է գալիս և չի դադարում, կարծես մի մոգական աշխարհում եմ ՝ ուր  ոչ մի կենդանի շունչ չկա: