Էկոհամակարգերի հիմնախնդիրը

Ձեր կարծիքով որոնք են էկոհամակարգերի կարևորագույն  հատկանիշները: Ինչու՞:

Էկոհամակարգի կարևորագույն հատկանիշներն են օրգանական նյութ ստեղծելը, էներգիա կապելու և անջատելու նյութերի շրջապտույտ անցկացնելը: Շատ կարևոր են նաև էկոհամակարգերի ինքնավերականգնումը, քանի որ էկոհամակարգերը ժամանակի ընթացքում վնասվում են, և ինքնավերականգնումը շատ անհրաժեշտ է, հակառակ դեպքում այն կվերանա։

Բոլոր օրգանիզմների ցանկացած միասնություն, որոնք փոխհարաբերությունների մեջ են մտնում ֆիզիկական միջավայրի հետ այնպես, որ համակարգի ներսում էներգիայի հոսքը ստեղծում է տրոֆիկական կառուցվածք, տեսակային բազմազանություն և նյութերի շրջապտույտ, իրենից ներկայացնում է էկոլոգիական համակարգ։

Ինչպիսի էկոհամակարգեր են ձեզ շրջապատում, ինչ առանձնահատկություններ ունեն նրանք:

Էկոհամակարգերը լինում են երկու տեսակի՝ բնական և արհեստական։ Արհեստական էկոհամակարգ է, օրինակ՝ ագրոէկոհամակարգը։ Ագրոհամակարգեր են այգիները, ջերմոցները, բուծարանները և այլն։ Ագրոէկոհամակարգերը ստեղծվել են մարդու միջամտությամբ, գյուղատնտեսական արտադրանք ստեղծելու համար։ Բնական էկոհամակարգերն են անտառները, գետերը, բնական լճերը։ Բայց ի տարբերություն արհեստական էկոհամակարգերին, բնական էկոհամակարգերը կարող են թեև շատ դանդաղ, բայց վերականգնվել առանց մարդու միջամտության։

Ինչպես է ազդում մարդը ձեզ շրջապատող էկոհամակարգերի կենսագործունեություն վրա:

Մարդիկ էկոհամակարգերի վրա ազդում են և լավ և վատ։ Որոշ դեպքերում մարդիկ հավելյալ էներգիայի աղբյուր են ստեղծում էկոհամակարգերի համար, կամ ավելացնում են պակասող նյութերը։ Մարդու կողմից սխալ նյութեր ավելացումը կարող է վատ ազդել էկոհամակարգի վրա, մարդը նաև երբեմն խախտում է սննդային շխթան վերացնելով ինչ֊որ կենդանատեսակ, կամ բույս էկոհամակարգից։ Շխթան խախտվելու արդյունքում էկոհամակարգը կարող է մասամբ վերանալ, կամ կարող են շատանալ կենդանիների, կամ բույսերի մի այլ տեսակ և վերջում վերանալ ամբողջությամբ։

Ինչ տեղի կունենա էկոհամակարգերի հետ, եթե պակասի Էներգիայի, ֆոսֆորի, ածխածնի ու ազոտի հոսքը (յուրաքանչյուր տարբերակը ներկայացնել առաձին):

Էկոհամակարգում էներգիայի հոսքի պակասության դեպքում կդադարեն կենսական ռեակցիաների իրագործումը։

Ֆոսֆորի նվազման պատճառով կդադարի բույսերի և կենդանիների միջև նյութերի փոխանակումը։ Բույսերը չեն կարող զարգանալ և կսկսեն հյուծվել։ 

Ածխածնի պակասը կհանգեցնի մաքուր օդի վերացման, կքչանան օրգանական նյութերը։

Ազոտի պակասի դեպքում կդադարեցվի սպիտակուցների սինթեզումը և կխախտվի շրջանառությունը։