ՀՀ կարմիր գիրք

 Ջրարծիվ

Ջրածիվ, բազեանմանների կարգի ջրարծիվների ընտանիքի բնադրող–չվող, հազվագյուտ թռչուն։ Հայտնի է 1 տեսակ։ Գրանցված է Հայաստանի Կարմիր գրքում։

Հայաստանում հանդիպում է Սևանա լճի մերձափնյա գոտում, Արաքս գետի հովտում և բնական ու արհեստական ջրավազաններին մոտ` հանրապետության տարբեր տարածաշրջաններում:

Վերացման հիմնական պատճառներն են մերձհունային բարձրաբուն անտառների հատումը, ջրի աղտոտվածությունը և գյուղատնտեսության մեջ վնասատուների դեմ պայքարի ժամանակ թունաքիմիկատների օգտագործումը:

Ընձառյուծ

Ընձառյուծ, հովազ, կատվազգիների ընտանիքի գիշատիչ կաթնասուն, որը գրանցված է ՀՀ կարմիր գրքում։

Բնակեցնում է Հարավարևմտյան և Հարավային Հայաստանը` «Խոսրովի անտառ» արգելոցի կենտրոնական և արևելյան հատվածներից մինչև հայ–իրանական սահմանը՝ Գեղամա, Զանգեզուրի, Վայոց ձորի, Բարգուշատի և Մեղրու լեռնաշղթաների սահմաններում:

Արեալի մասնատված լինելը, որի հիմնական պատճառը որսագողությունն ու մարդու տնտեսական գործունեությունն է:

Դարևսկու իժ

Դարևսկու իժ, իժերի ընտանիքի իժերի ենթաընտանիքի օձ։ Հայաստանում տարածված է Շիրակի մարզում և Աշոցքի տարածաշրջանում: 2008 թ –ի տվյալներով՝ տարածման արեալը գրավում է ընդամենը 200 հա: Տեսակի բնորոշ բիոտոպերն են հանդիսանում ենթալպյան գոտում գտնվող քարքարոտ լեռնալանջերը և ժայռային ցցվածքները՝ ծածկված տափակ քարերի կույտերով:

Վտանգման հիմնական պատճառներն են բնորոշ ապրելավայրերի քայքայումը, բարձրադիր մարգագետինների ինտենսիվ յուրացումը, ընտանի կենդանիների անվերահսկելի արածեցումը և ապօրինի որսը:

ՀՀ կարմիր գրքի պաշտոնական կայք