ՀՀ սահմանադրութան առաջին գլխի ուսումնասիրություն

 ՀՀ սահմանադրութան առաջին գլխի ուսումնասիրության ընթացքում առանձնացրի հետևյալ հոդվածները՝

Հոդված 12.

Շրջակա միջավայրի պահպանությունը և կայուն զարգացումը

 

1. Պետությունը խթանում է շրջակա միջավայրի պահպանությունը, բարելավումը և վերականգնումը, բնական պաշարների ողջամիտ օգտագործումը՝ ղեկավարվելով կայուն զարգացման սկզբունքով և հաշվի առնելով պատասխանատվությունն ապագա սերունդների առջև:

2. Յուրաքանչյուր ոք պարտավոր է հոգ տանել շրջակա միջավայրի պահպանության մասին:

Մեր երկրում շրջակա միջավայրը շատ վատ վիճակում է։ Թեև սահմանադրության մեջ այս հոդվածը առկա է, բայց մարդիկ լուրջ չեն վերաբերվում իրենց իսկ միջավայրի մաքրության պահպանմանը։ Սա շատ լուրջ խնդիր է մեր երկրի համար, և պետք է ավելի շատ ուշադրություն դարձնել շրջակա միջավայրի պահպանմանը, օրինակ՝ տուգանել նրանց ովքեր ախտոտում են միջավայրը։

Հոդված 15.

Մշակույթի, կրթության, գիտության խթանումը, հայոց լեզվի և մշակութային ժառանգության պաշտպանությունը

 

1. Պետությունը խթանում է մշակույթի, կրթության և գիտության զարգացումը:

2. Հայոց լեզուն և մշակութային ժառանգությունը պետության հոգածության և պաշտպանության ներքո են։

Կցանկանայի, որ կառավարությունը ամբողջովին ապահովի ծնողազուրկ, կամ անապահով ընտանիքների երեխաների կրթության խնդիրը: Շատ տաղանդավոր և խելացի սովորողներ ընտանիքում ունեն ֆինանսական խնդիրներ, որոնց պատճառով չեն կարողանում շարունակել իրենց ուսումը, կառավարությունը պետք է իր վրա վերցնի նման երեխաների ուսման հարցը։